XOGAMOS CO JACK NA AULA DE INGLÉS

Utilizouse o rato para repasar as direccións en lingua inglesa.

Esta actividade levouse a cabo durante dúas sesións có alumnado de 4º de EP. 

A través desta actividade preténdese repasar o vocabulario dado en clase (straight on, turn right, turn left, click….) e tamén os nomes de lugares.

Elaborouse un mapa nunha cartolina dividida en celdas de 12’5 cm x 12’5 cm. cos nomes de distintos lugares. 

O alumnado tiña que preguntar cómo chegar a un determinado sitio e contestar. 

Deseguido, contábanse cantos cadros había que avanzar, para  indicar os comandos correspondentes ao rato.

Por parellas, todo o alumnado participou introducindo comando, o que resultou moi motivador para o alumnado, que mostrou grande interese pola actividade.

Como complemento, déronse instruccións ao robot rato para chegar a un alumno (oito alumnos colocáronse uns enfrente doutros) e calculando a distancia serviu para practicar sumas e multiplicacións en inglés.